အိတ်ကပ်ထဲက ည

အိပ်မက်တွေ တစ်ရေးနိုးလာတဲ့အခါ
နှုတ်ခမ်းတွေ စေ့ထားရင်းက တုန်းရီနေတယ်
ညရဲ့ ပြတင်းပေါက်တွေဆီက
ခြောက်ခြားမှုနဲ့  အလွမ်းတွေခုန်ထွက်လာတယ်
ခန်းဆီးလိုက်ကာစတွေကို ဖယ်ပစ်လိုက်တော့မှ
ရှိုက်ကြီးတစ်ငင် လှမ်းခေါ်နေတဲ့ ကြယ်ပွင့်လေး
ညဟာ ငါ့ခုတင်ထက်က ငရဲခန်းတစ်ခုလို
ကင်းဗတ်စပေါ်မှာ ဆွဲထားတဲ့ မျှော်လင့်ချက်

အမှောင်က ပင်လယ်တွေဆီကိုပျံသန်းသွား
ပင်လယ်တွေ တောင်တန်းပေါ်ခွထိုင်ခဲ့တုန်းက
အဲ့ဒီ့နေ့ ဟာ (တောင်တွေပေါ်မှာ)
ပင်လယ်ဓားပြတွေနဲ့  ပြည့်နှက်နေခဲ့တယ်။
တစ်ခုတော့ရှိတာပေါ့ (ကျွန်တော်က)
ဘယ်သူ့ ကိုမှ တစ်ဝက်ဖဲ့မပေးချင်ခဲ့ဘူး
ကိုယ့်ကိုယ်ကို ဒီစကားတွေပြောနေတဲ့အခါ
ဟင်းလင်းပွင့် ကျောက်သား တောင်နံရံတွေက
စစ်ရေးပြ တပ်မတော်နေ့ အခမ်းအနားတွေလိုပဲ
ဘယ်သူမှ ငိုက်မြည်း မနေကြဘူး

အခန်းထောင့်တစ်နေရာက ညမှာလည်း
သံသယနဲ့  ဖမ်းယူထားတဲ့ မျက်ဝန်းတွေ
နှလုံးသား အမှောင်ကျဉ်းသွားတဲ့ အခိုက်
အချစ်က သွေးထွက်သံယို ဖြစ်သွားတယ်
ဘ၀ကူးကောင်းဖို့ ခပ်တိုးတိုးရယ်မိတယ်
စိတ်ကူးကောင်းဖို့  ဆေးလိပ်ကိုမီးညှိလိုက်တယ်
ရေကောင်းကောင်းမကူးတတ်တဲ့ ငါ
နံရံပေါ်မှာ နစ်မြုပ်သွားတဲ့ အပျော်စီးဘ၀က
ဖွဲမီးလို ကျွန်တော့်ခန္ဓာ ကိုဆွဲစေတယ်

သွေးသားတွေ ဆူပွက်ထွက်သွားတဲ့ခဏ
ကျွန်တော်ဟာ ရည်းစားများကို ထားခဲ့ဖူးတယ်
ရည်းစားများဟာ ကျွန်တော့်ကို ထားခဲ့ဖူးတယ်
ဒီလိုနဲ့ အသုံးမ၀င်တော့တဲ့ (သံချေးတက်)
ခါးပတ်ခေါင်းက ခါးကျယ်ကျယ်ရှိတဲ့
ကျွန်တော့် ဘောင်းဘီကို လှောင်ရယ်ခဲ့ဖူးတယ်
ရယ်သံကြားလို့  မျက်လုံးအစုံဖွင့်ကြည့်တော့
ဘရိတ်ဖက်စ် ကကျွန်တော့်ကိုကြည့်နေတယ်
ရက်ပ် သီချင်းထဲက ဘောင်းဘီပွတွေလိုပဲ
အမှန်အတိုင်းပြောရရင် (မညာဘူးပေါ့)
ကျွန်တော်သူ့ ကိုသနားမိပါတယ်.........။

လေပြေ
သြဂုတ်၊ ၁ ရက် ၊ ၂၀၁၀ ၊ 11:50 am

Print this post